Volkswagen газды басуда

Volkswagen концерні газбен жүретін көліктерді шығаруды кеңейтіп, Германиядағы АЖС-терде (автожанармай станцияларында) газ құю қызметтерін айтарлықтай арттыруды жоспарлап отыр, деп хабарлайды Focus журналы.

Басылымның мәліметінше, VW газ отынына көшу бағытын ұстануда, сондықтан газбен жұмыс істейтін көліктерге бейімделген жанармай құю станцияларының саны екі есе артуы тиіс – қазіргі 900-ден 2 000-ға дейін (2025 жылға дейін). Бұл мақсатта Volkswagen Group энергетикалық компаниялармен серіктестік орнатуды көздеп отыр. CNG-мобильділікті дамыту және кеңейту бойынша арнайы өзара түсіністік меморандумы да жасалған.

CNG – бұл сұйылтылған мұнай газынан (LPG) өзгеше сығылған табиғи газ.

Сонымен қатар, газбен жүретін көліктер паркін он есе ұлғайту жоспарлануда – 2025 жылға қарай 1 миллион автокөлікке дейін, деп хабарлайды Focus журналы VW өкілдеріне сілтеме жасап.

Алдымен газ жабдығы шағын сыныптағы көліктерге орнатылады, атап айтқанда, VW Up, Skoda Citigo, Seat Mii және басқа да VW Group модельдеріне. Сондай-ақ, жоғары санаттағы көліктерге де газ қондырғылары орнатылуы мүмкін.

Volkswagen газды дизельге балама отын ретінде қарастырып отыр, өйткені компания дизель отыны бойынша қиындықтарға тап болды. Сонымен қатар, газға көшу – Volkswagen Group үшін "дизельгейттен" кейін имиджді қалпына келтіру стратегиясының бір бөлігі.